Ang homecoming

Gisaulog ang Homecoming kanila nga nakatungha sa Seminario Mayor de San Carlos.Tumong niini mao man ang pagbalik lantaw sa mga nangagi ug matud pa ni Monsenyor Danny Sanico Home Coming, Coming Home. Usa sa mga unod sa maong Homecoming mao man ang talk ni Fr. Luciano Ariel Felloni kalabut sa kinabuhi ni Papa Francisco sanglit ang atong Papa karon nahimo man niyang confessor ug maestro kaniadto sa Buenos Aires. Usa sa mga nakahatag kanako og pagtagad mao ang pagpaambit ni Fr. Felloni kalabot sa kamahinungdanon sa paghilom. Kini tungod kay dili tanang mga butang atong matubag ug labaw nga wa gyud tay ikatubag sa tanang mga butang. Ang paghilak kabahin sa pagkatawhanon ug kini mao ang nakapahimo natong mga normal nga tawo ang mamahimong in touch sa atong pagkatawo. Ang Coming Home mao ang pagbalik sa atong gigikanan ug apil na niini ang atong pagkatawo.