Seniors Day sa SM

“Come and join the Seniors Day at SM. Be a part of the fitness program, information hour and mentoring courses for Senior Citizens. Every 2nd Tuesday of the month, 10 o’clock in the morning onwards at the Mall Events Center across all SM Supermalls.”

Invitation kini sa SM kanato nga mga senior citizens nga akong nakutlo sa mga national papers. Apan lagmit sa SM lang kini sa Manila. Wa ‘sab ko kalugar og pakisayod kun gihimo ba ‘sab kini dinhi sa ato.

Nindot kaayo kini nga kalihukan sa SM alang kanato nga mga senior citizens. Ang SM daghan kaayo nga mga programa, mga kalihukan alang sa community in general, ug kita nga mga senior citizens usa lang sa mga beneficiaries sa maong mga katilingbanong kalihukan.

* * *

Usa sa atong maisip nga maayo’ng development sa atong nasud karon, mao kining pagpamunga na sa tinguha sa Aquino administration pagsumpo sa corruption, subay sa matuwid na daan nga programa ni Presidente Aquino.

Maoy hinungdan nga karon, daghan kita’g mga infrastructure projects sa tibuok nasud, lakip na kita dinhi sa Sugbo. Ug sukad masukad, karon pa ma-realized ang dugay na nga gilaraw nga modernization sa Armadong Kusog sa Pilipinas.

Apan, sa samang higayon, sa atong pagdaginot ug paglikay sa pagwaldas-waldas sa salapi sa lungsod, midaku ang atong surplus, nahulog ang gobiyerno sa giingon nga underspending.

Gumikan niini, daghang mga proyekto ang wala mapatuman, daghan kuwarta ang natulog lang, mga idle funds. Gumikan niini, si Senador Ralph Recto misugyot ug nakahunahuna pag-file og resolution nga tipik sa maong mga idle funds, gamiton alang sa mga kabus, mga indigents nga mga masakiton.

Of course, lakip na niini ang indigents nga mga senior citizens nga masakiton. Sa atong pagpanalipod sa nasudnong panudlanan nga dili mahipunta sa mga balhibuon nga kamot, nakamugna na hinoon og problema.

Matud ni Recto: “The government underspending has been a problem since the start of the Aquino administration and this has led to a slow down in the growth of the economy. A large chunk of the unutilized funds could be used to aid indigent patients.”

Sa una nga mga administrasyon, atong problema ang overspending. Karon, nag-underspending ang atong gobiyerno, problema lang gihapon.

Busa, kinahanglan nga gamiton sa husto ang mga pundo nga salapi nga gipakatulog lang, ug matud ni Recto ang angay dapatan niini aron dili makamugna og kontroberisya mao ang pagtabang sa indigent nga mga masakiton.

Bitaw, correct ka d’yan, Senador Recto.