Ang selfie

Gitawag ko nilang KJ kay bisan sa FB wala kaayo koy post ni pictures man lang kalabot sa mga happenings sa akong kinabuhi. Samtang ang uban buot mohimong detalyado sa bisan unsang hitabo gikan sa pagpanguyab, pabunyag o bisan gani na sa kamatayon. Bisan buwad ang sud-an selfie gihapon uban ang caption nga selfie pag may time o selfie pa more! Selfie pag may time/ o most of the Time? hinuon walay dautan niini kun himoon sa paagi nga moderate. Apan sa laing bahin dili tanang information ang mahimong iladlad sa FB ug dili tanang netizens ang kinahanglang masayud sa imong private happening ni dili tanang tawo ang kinahanglang masayud sa nahitabo sa imong private life apil na ang pari. Ug kini ang hinungdan kun nganong daghang nagkasungi tungod kay bisan diyotay nga disgustohay sa FB man ipabuhagay.Nawala na hinuon ang fraternal correction in private kay gihimo na man nuon ni sa paagi nga public ubanan pa sa mga komento nga wa kinahanglana ingon man ang cyber bullying labina kun di ka ambongan o maanyag. Mahinungdanon ang paghilom ug pag-withdraw sometimes gikan sa kagahob nga kalibutanon. Usa na niini ang paghimo sa kaugalingon nga mohilom bisan pa man sa ka high tech nato karon.