Government records gusto nga ipausab

Dear Atty. Divine,

Duna ko’y pangutana may labot sa akong records sa Social Security System (SSS), PhilHealth ug PAGIBIG diin ang akong ngalan adunay middle name. Apan diha nga mikuha ko og Birth Certificate sa NSO, akong nasayran nga wa man diay ko’y middle name kay illegitimate man ko og naggamit ko sa apelyido sa akong inahan. Unsa may akong buhaton sa akong records sa SSS, PhilHealth ug PAGIBIG nga di man kini motakdo sa akong birth certificate? Unta imo ko nga magiyahan sa angayan nako nga buhaton. Daghang salamat. — Vincent

Dear Vincent,

Ang maayo nimo nga buhaton mao ang pagpausab sa imong records sa SSS, PHILHEALTH ug PAGIBIG. Imong dad-on ang imong birth certificate gikan sa NSO ug mo-request ka nila pagpatangtang sa imong middle name sa ilang record. Posible nga mangayo pa sila og dugang supporting documents ug imo lang kini nga i-comply aron ilang ma-process ang pag-usab sa imong record. Thanks and God bless. - Atty. Divine

Alang sa inyong pangutana may kalabutan sa problema’ng legal, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules ug Domingo.