Ang pag-usisa sa tanlag: Ang gahum sa pag-alinggat

Si San Ignacio de Loyola ang nihatag kanato og kahimanan aron atong mas mapalambo ang atong gahum sa pag-alinggat ug kini ang naglangkob sa pag-usisa sa atong tanlag matag adlaw. Gitawag kini og Conscious Examen. Si San Ignacio nimando nga himoon kini ning mosunod:

1. Una diha sa atong pagbangon sa sayong kabuntagon aron sa ingon mamahimo kitang makaalinggat sa mga naandang sala nga atong puwede nga mahimo nianang adlawa.

2. Ikaduha, human sa paniudto diin kuyog niini ang pagpagayon sa grasya nga unta mamahimo kitang makaalinggat kun makapila kita mahulog sa mao rang pagpakasala ug sa pagsusi sa mga lakang nga atong gihimo aron malayo kita sa maong matang sa pagpakasala.

3. Ikatulo diha sa dayon natong paghikatulog diin himoon nato ang paglangkob sa tanan nga atong gihimo nianang adlawa.

Mahinungdanon kini nga balansayon aron sa ingon atong makita nga mas mahinungdanon alang nato ang pag-ugmad og usa ka kinabuhing gipamalandongan. Lisud man tuod kini apan dako kaayo kini og kahimoan.