Ang sanglitanan ni Santa Maria

Matag higayon nga makadungog kita sa ngalan ni Marta, ang mosantop dayon sa atong hunahuna mao nga si Marta mao kadtong babaye nga workaholic kaayo ug dili sama ni Maria nga iyang igsuon nga mapamalandungon kay lagi iyang napili ang pinakamaayong bahin kay lagi siya naminaw ug namalandong sa gipanulti sa atong Ginoo ug dili sama ni Marta nga nahimong nahilansang sa mga detalye kalabot sa Hospitality. Apan sa laing bahin, ang gihimo ni Marta usa lamang ka pagpadayag sa iyang dakong tinguha nga mahatag niya ang nindot alang sa Ginoo. Buot niyang ihatag ang pinakamaayong serbisyo. Ang pagtrabaho maoy usa ka matang usab sa pag-ampo. Maingon nga ang pagpakahilom usa pud ka pag-ampo. Apan sa laing bahin, mahinungdanon kaayo ang pagbalanse niini. Nga sa ato pa, imong himoon ang imong kinabuhi ingon nga pag-ampo samtang ikaw naglihok sibo sa imong propesyon o bokasyon.