Discounts para nato

Hangtud karong panahona, daghan pa kaayo’ng mga establishments sa tibuok nasud nga nagdumili pagtuman sa balaud paghatag og discounts ngadto sa mga senior citizens. Ang uban, mohatag man, apan dili ilakip ang 12% nga VAT exemption. Ang uban pud, duna’y ceiling ang kantidad nga hatagan og discount.

Taliwa niini’ng maong kalapasan, wa kita’y nahimo, at their mercy g’yud ta. Wa’ man ta’y Atty. Romulo Macalintal dinhi sa Sugbo nga isog kaayo’ng mokiha sa mga arogante ug masupakon nga mga balay-patigayon didto sa kaulohan.

Advocate siya for the rights of senior citizens. Wa’ man tay advocate dinhi. By the way, usa kini sa katungdanan sa Office of Senior Citizens Affairs (OSCA). Pipila sa mga functions niini:

1) To monitor compliance of the provisions of RA 9994, particularly the grant of special discounts and privileges to senior citizens;

2) To report to the mayor, any individual, establishments, business entity, institution or agency found violating any provisions of RA 9994;

3) To assist the senior citizens in filing complaints or charges against those violating any provisions of RA 9994. Nalipay kita nga kining maong sitwasyon, nakadani sa pagtagad sa Senado.

Si Senador Grace Poe, mi-file og resolution alang sa usa ka Senate Inquiry bahin sa mga katungod ug pribilihiyo nga wala ihatag ngadto sa mga senior citizens.  Matud ni Macalintal, “we have been looking for someone in Congress to take the cudgels for us because there are hundreds of establishments that wittingly or unwittingly violate the provisions of the law.”

Tinuod, ang atong mga local officials, ug ang atong mga kongresista, ug usa ka Senador lagmit hadlok sa maong mga establishments, ambot ngano.

Miawhag si Macalintal nga hatagan og dugang ngipon ang RA 9994, matud niya: “Senator Poe should call upon the mayors and governors to strictly apply Section 7of RA 9994. The law gives them the power to cancel or revoke the business permits, after due notice and hearing, once the complaint for violation of the law is filed against them.” Mahimo kaha ni sa atong mga mayor ug gobernador, nga nag-angat na ra ba ang eleksiyon?

Gipaabot nga niini’ng Senate Inquiry, maayo unta og mahinayon g’yud ni, adunay mga amendments nga himuon, aron kahatagan g’yud og ngipon ang balaud aron mahingpit ang pagpatuman niini.

Tuod man, ang atong mga local officials maka-take kaha the cudgels for us?  Mura’g ma-solid ni Poe ang seniors’ votes.