Mga pamalandong panahon sa kwaresma
Pahinumdom: Alang sa mga magbabasa akong gituyo og himo kining mga ginagmay nga giya sa pag-ampo ug pamalandong pinasikad sa inspirasyon sa Spiritual Exercises ni Saint Ignatius of Loyola. Busa gahini kini og panahon labina gyud ning panahon sa Kwaresma.
Ang Akong Pagka-Linalang Grasya nga Pangayoon:
Nga mas masabtan ko pa ang akong pagka-linalang ingon nga hinimo sa Dios sumala sa iyang dagway ug kasamahan ug padayong miumol kanako hangtud karong mga panahona.
Konteksto
1. Ang pinakamahinungdanong hitabo sa akong kinabuhi mao ang akong pagkahimugso.
2. Ang kinabuhi maoy mahinungdanong gasa gikan sa Dios alang kanako.
Teksto: Basaha ang Jeremias 18;1-6
Pamalandongi kini: Kumusta naman ang imong kinabuhi? Natuman mo ba ang mga tahas nga gisangon kanimo sa Dios sibo sa imong bokasyon nga gipili? Unsa man ang imong mga pagkulang? Unsay imong plano aron imong himoong husto ang tono sa imong nayabag nga panaw sa kinabuhi?
- Latest
