BFP-7 director mi-retire na
Pormal na nga meretiro sa serbisyo ang regional director sa Bureau of Fire Protection (BFP) sa Region 7 nga si Sr. Supt Ma. Luisa C Hadjula niadto’ng Marso 5.
Usa ka Testimonial Honors ang gihimo sa kadagkoan sa BFP- 7 alang sa hingpit na nga pagbiya sa active service sa labing una’ng babaye’ng BFP-7 regional director dinhi sa Central Visayas.
Sulod sa upat ka tuig nga pangatungdanan isip regional director, daghan kaayo og nahimo si Sr. Supt. Hadjula aron mapalambo ang serbisyo sa atong kabomberohan.
Daghan ang iyang naagni nga mga Local Chief Executives sa pagpalit og fire trucks ug pagdonar og yuta ngadto sa BFP aron katukoran og fire station.
Paspas ang promotion ug recruitment sa gusto’ng mahimo’ng bombero ug daghan pa’ng accomplishments nga gibatbat niya sa iyang mensahe sa maong testimonial honors.
Gipasalamatan ni Sr. Supt. Hadjula ang tanang mga opisyal ug mga personnel sa BFP-7 nga mibulig kaniya pagpatuman sa iyang mga programa.
Ang mihulip ni Hadjula mao si Supt. Erlinda O. Tobias nga kasamtangang gitudlo sa Department of the Interior and Local Government (DILG) isip Officer-in-Charge sa BFP 7.
* * *
Sa katapusan, akong i-congratulate ang tanang participants sa BFP-7 TEAM nga milangkat sa kampiyonato sa 1st National Fire Olympics 2015 nga gipahigayon sa Quezon City Memorial Circle niadto’ng March 3-4, 2015. Congratulations!!!!
- Latest
