Ang pagpatubo sa buhok (2)

Sumpay ni sa miaging lindog nato mahitungod sa natural nga pagpatubo sa buhok nga nanipis na o medyo menus na’g buhok nga mora’g kaopawon na. Lain nga paagi ini, sulayan nato kining mga mosunod:

* Potato Juice — Makatabang ni sa buhok nga nanglihang o nanipis na. Kining duga sa patatas (potato) adunay mga bitamina A,B,C, mopahiuli sa buhok nga nag-uga tan-awon nga nanuskig lang ang mga buhok. Magkagod og 3-4 ka buok potato ug pug-a. Ug ang duga ini sagola’g puti sa itlog (egg) ug dugos (honey). Ang itlog ug 'honey' makatabang sa duga sa potato nga mapadali ang pagtubo sa buhok. Unya imasahe kini sa bagulbagol sud sa 15 mins. Ighuman pasagdi sud sa 1-1/2 ka oras, una mag-'mild shampoo' o banlawan og tubig.

* Itlog  — Tinubdan kini sa sulphor, selenium, iodine, phosphorous ug protein, nga motabang pagpatubo sa buhok. Pagkuha’g 1 ka itlog, unya kuhaa ang puti lang ini, ug sagoli’g olive oil. Unya kutawa o batila hangtud mora’g moespeso na. Ug gamita sa bagulbagol ug sa mga buhok. Pasagdi sud sa 15-20 mins, dayon banlawan og tubig  nga may 'mild shampoo'.

* Tuno sa lubi — May protina ug mga 'essential fats' kini aron pagpatubo sa buhok ug mopalig-on nga di manglagas ang buhok. Magkagod ka’g lubi, ighuman butangi’g gamay’ng tubig. Dayon idangga o painiti kadiyot sud 5 mins. Unya salaa. Ini’g kabugnaw gamita kini direkta sa buhok/bagulbagol, pasagdi ni sud 20 mins. Ug unya banlawi nga may 'mild shampoo'.

* Lana sa buhok — Sama sa coco oil, olive oil, uban pa. Masahean ang bagulbagol permi aron makasud ang dugo ngadto sa gamut sa buhok (pollicle).