Ang ato’ng mga katungod

Hangtud karon, daghan pa’ng senior citizens, labi na kadto’ng wala magpasakop og kapunongan ug kadto’ng nagpasakop apan, wala’y tambong-tambong sa mga miting, ang wala masayod sa hingpit sa mga katungod ug mga pribilihiyo sa mga senior citizens.

Maoy hinungdan nga si Vice Mayor Edgar Labella, mibutyag nga usa unya sa iyang hatagan og pagtagad mao ang panginahanglan nga masayod ang mga senior citizens sa ilang  mga katungod ug pribilihiyo nga gitanyag kanila sa balaud.

Unsaon man tuod nato pag-assert sa maong mga katungod ug pagpangayo sa mga pribilihiyo, kun wala kita masayod unsa kini’ng maong mga katungod ug mga pribilihiyo? Hinoon, alang sa uban, wala nila kinahanglana nga masayod sila sa tanang mga katungod ug pribilihiyo sa mga senior citizens …. Basta lang regular sila nga makadawat sa cash assistance gikan sa Cebu City Hall.

Subra pa kini sa OK alang kanila. Niini’ng kapin sa 60 mil ka senior citizens nga nagpahimulos sa salapi sa dakbayan, pila lang kaha niini ang nagpasakop sa kapunongan sa ilang barangay. Wala kini sila’y tagad sa mga kalihokan sa mga senior citizens.

Ug tungod kay dili sila sakop sa kapunongan, wala sila’y obligasyon pagtabang sa uban, pinaagi sa paghatag og mga monthly dues, ug ubang matang sa amotan. Wala sila’y tagad sa mga kalihokan sa senior citizens. Wala sila’y labut, dili kini ilang concern. Ang bugtong nila’ng gimbuhaton, isip senior citizens, mao ra g’yud ang paghuwat kanus-a manghatag sa cash assistance. Pastilan! Giingon nga ilambigit ang mga senior citizens sa mga kaakohan pagpalambo sa nasud.

Gamiton ang ilang kasinatian ug pagkamaalamon sa nation building. Nation building ba gud na’ng maghuwat lang kanus-a manghatag sa cash assistance? Anyway, ania, atong kutloon ang basic nga mga privileges sa mga senior citizens:

The grant of 20% discount and exemption from the value added tax on the following:

“Purchase of medicines; professional fees of attending physicians; professional fees of licensed professional health workers; medical & dental services; diagnostic & laboratory fees; actual fare for land transportation travel in public utility services; actual transportation fare in domestic air & sea transport services. Ang uban “Utilization of services in hotels, restaurants & recreation centers; admission fees charged by theaters, concert halls, circuses, carnivals, & other similar places of culture; leisure and entertainment; funeral & burial services for the death of senior citizen.