Bana nga wa magsuporta

Dear Atty. Divine,

Duna unta ko’y pangutana may labot sa suporta sa akong tulo ka anak. Ang ilang amahan mibiya kanamo ug wala siya magsuporta sa mga bata bisan kun aduna siya’y trabaho. Unsa may angayan nako nga buhaton aron siya ma-obligar paghatag og suporta sa mga bata? Mahimo ba nako siya nga ikiha? Daghang Salamat. - Cherry

Dear Cherry,

Ang una nimo’ng buhaton mao ang pagpadala kaniya og demand letter. Mas maayo nga moduol ka og abogado aron ang imong lawyer maoy mopadala kaniya og demand letter alang sa pangayuon nimo nga sustento sa imong mga anak. Kun iyang ibaliwala ang imong demand letter then mahimo nimo siya nga pasakaan og kaso ngadto sa korte. Mahimo ka’ng mopasaka og reklamo alang sa pagsuporta sa imong mga bata ngadto sa korte  or mahimo ‘sab ka nga mopasaka og kaso base sa Anti-Violence Against Women and their Children tungod kay ang wala niya pagsuporta kanimo makonsiderar nga economic violence ug usa ka kalapasan sa maong balaod. - Atty. Divine

Alang sa inyo’ng pangutana, ipadala lang sa Legal Corner sa Banat News, V. Gullas St., Cebu City or email sa [email protected] ug akong tubagon ang inyo’ng pangutana pinaagi sa akong column.