Kalibog diha sa dalan

Temang nalambigit: Pagkawala, pagpangita, nabilanggo

Dili sa tanang panahon hapsay ang dalan sa atong panaw. Nahimong daw sama sa puzzle ang atong kinabuhi. Kun ang usa ka puzzle o maze ang mogawas nga kahimtang o hulagway diha sa imong damgo, pahinumdom kini sa imong dakong tinguha nga makasinati sa sense of direction nga imong gipangindahay nga makab-ot diha sa imong panaw. Mahimong ang maong damgo, hagit alang kanimo nga kinahanglan nimong utingkayon ang imong kagahapon aron imong himoon ang pagdugtong sa mga nawalang puzzle sa imong kinabuhi. Pinaagi lamang niini ikaw mabutang sa imong angayan nga kabutangan kay samtang dili ka pa mahimutang, magpadayon ang imong dakong tinguha nga mangita ka sa dapit o kahimtang nga ikaw magmalinawon.