Noynoy ika-15 nga presidente sa Pilipinas

Natawo si Presidente Benigno Simeon “Noynoy” Aquino kaniadtong Pebrero 8, 1960 sa Tarlac ngadto sa mga ginikanan nga si Benigno ‘Ninoy’ Aquino Jr. ug Cory Aquino. Natapos niya ang Bachelor of Arts degree in Economics sa Ateneo de Manila kaniadtong 1981.

Napili siya isip congressman sa segundo distrito sa Tarlac gikan sa 1998 hangtod 2007.

Napili siyang senador kaniadtong Mayo 15, 2007. Sa pagkamatay sa iyang inahan adtong 2009, milansar siya sa pagkapresidente sa piniliay sa Mayo 10, 2010 ug midaug siya gumikan sa ‘Noynoy Phenomenon’.

Dili makalimtan si Noynoy sa iyang campaign slogan nga ‘Matuwid na Daan sa Pamahalaan’.

Sa iyang administrasyon dako kaayo’g natabang ang gipatuman niyang 4P’s kon Pantawid Pamilyang Pilipino ngadto sa mga ‘pordoy’ tang kaigsuonan sa tibuok nasud hangtod inigtapos sa iyang termino sa Hunyo, 2016.

Dako’g natabang ang iyang 4P’s ngadto sa mga pamilyang pordoy nga adunay mga anak nga nag-eskuwela sa elementary.

Sa kasaysayan sa mga presidente sa atong nasud, siya ang unang bachelor president kon ulitawo nga pangulo!