Kun may dayabetes

Sa atong panahon, kadaghanan nabiktima na niining popular o sikat nga sakit nga Dayabetes. Wa kini gipili mabata man o maedaran. Gumikan kini sa mga pagkaon, nga ang natural nasambogan og mga hugaw o toksik nga kemikals. Dugangan pa sa patuyang nga wa magdimao ang estilo sa pagkaon.

Ang pancreas gikinahanglan amumahon sa balanse nga kaloriya ug pagkaon, diin mahimo kining asukar nga isugnod aron pagprodyus og insulin. Ang atong kusog o inerhiya gumikan kana sa insulin, nga ipasirkular sa dugo.

Mao nga magbusdik ka man sa kabusog, maluya ka kay hinay o wala na kaprodyus og insulin ang pancreas. Tilimad-on kini nga kita may dayabetes na. Sagad resetahan kini sa doktor og tambal sama sa tabletas nga metformin aron temporaryo makatabang sa pancreas. Injection sa insulin, kun grabe na.

Busa imintin gyud ang inadlaw nga kaloriya  (1,500-2,000 k/cal) nga isugnod sa lawas pinaagi sa mga masustansyang pagkaon. Menusan ang tam-is, parat ug mantikaon o tambok gikan sa karne. Magpatsek-ap sa doktor aron magiyahan  sa angay buhaton  nga makontrol ang dayabetes.

Mas maayo sad momintin og mga herbs o mga natural food supplements.  Kun pasagdan lang, mokomplikar kini ngadto sa pagkadaut sa mata, kidney, ug ubang bahin sa lawas. Monitora ang sugar mo, magpa-bloodsugar test.  Ayaw pakawa sa paglaum, kontrol ra gyud sa kaon nga di kita maproblema ini.