Makanser sa celpon

Bisan tuod ang kadaghanan nasayud na nga ang celpon makahatag kini og dili maayong epekto sa panglawas. Apan aduna gihapoy pipila ang nagduda kun unsa katinuod nga kini makasakit. Tingali pud mga inosente pa ni sila, kay wa may panagana o gihimong remedyo para dili kaayo grabeng maapektahan.

Hinuon, wala kitay mahimong kapilian nga desisyon para malikayan ang paggamit sa celpon. Tungod kay nahimo na kining kabahin sa prayoridad nga panginahanglan sa atong inadlaw nga gimbuhaton. Pinaagi nga gihimo kining modernong kahimanan, sa pag-monitor sa mga kalihokan nga pangsosyal o sa mga kalamboan nga may kalambigitan sa paghagpat og mga kasayuran.

Dili na kita komportable kun kini mawala sa atong kinabuhi ang celpon. Ang uban modangop na lang sa katarungan, total masakit gihapon ang way celpon, pahimuslan na lang ang paggamit ini. Dakung husto sab, apan may mga asesorya kini nga magamit  aron dili kita maantimano nga maapektohan.

Kun motubag o motawag sa celpon, ayaw kini itapion nga madapat sa dalunggan kay direkta madaut ang utok nga may tsansang makanser, tungod sa kakusog sa 'radiation' niini sa celpon. Idistansya nga i-on ang loudspeaker para madunggan. Ayaw sab sige’g gamit nianang mga 'bluetooth headphone'.

Adunay teknolohiya ang nano nga 'copperized aluminum' nga ' anti-radiations sticker' nga ibutang sa bateriya sa celpon. Aduna ko niini nga hinatag sa Hapon. Susiha basi’g naa na ni sa mga dagkong tindahan sa mga celpon.