Mga remedyo sa dayabetes
Usa kini sa nag-unang mga sakit karon sa atong katilingban. Gumikan gihapon kini sa way pagpugong sa pagkao’g parat, tam-is ug 'carbohydrates'. Usa pod sa hinungdan ang pagkunsumo sa subrang kaloriya, nga maglisud na ang pancreas sa pagprodyus og insulin nga himoong inerhiya para sa lawas.
Magmonitor permi sa blood sugar- 80- 120mg/dl(normal) 12 oras human sa kaon/inom. 80 - 150mg/dl (normal) 2 ka oras sa di pa mokaon.
Kun diabetison ka na, permi ka magluya, kanunay uhawon, sigig pangihi, ganados kaon, modaut ang lawas, malipong ug hinay mamaayo ang samad. Busa ayaw paabota nga mograbe pa, kay naay daghang mga remedyo ini.
* PALEYA— Hugasi ang ½ sa bunga ini og hiwahiwaa’g pino. Iblender o himoa’g fruit juice o shake. Imna ang tunga sa baso, 3ka beses sa 1ka adlaw. Mahimo sad hawbon ang bunga ug dahon nga himoong salad butanga’g isda.
* KASOY ug KAMANSILES — Kaona ang bunga apan ayaw iapil ang liso.
* PEPINO — Kaona ang bunga kay makatabang sad kini paghilis sa kinaon.
* BANABA — Pabukalan ang panit ug dahon sud sa 15-20 mins. Unya imna kini sama sa tsa. Makatabang sad ni paglimpyo sa kidney o sa ihi (ketones)
* KOGON — Pabukalan ang mga dahon kauban ang gamot sud sa 15-20 mins. Unya imna kini sama sa tsa. Makatabang sad ni sa nerbiyos o bughat.
* KAMOTE — Pabukalan ang mga dahon sud sa 5-10min. Unya imna sama sa tsa. Maayo ni ihinubig tibuok adlaw kun way diperensya ang pantog.
Sa pagkao’g prutas, sama sa mangga, pinya, saging ug uban pa, maayong kaonon ang hilaw o balbangaan, kay sa hinog nga grabe na ang katam-is ini.
- Latest
