Atong bag-ong kuwarta
Matud sa Central Bank, angay unta ilisan kini kada 5 ka tuig ang de-papel nga kuwarta ug kada10 ka tuig ang sa sensilyo. Kadtong daan nga kuwarta nga 'new design series', 25 ka tuig na kadtong gigamit. Busa niadtong Dec.16, 2010, nagpagawas ang BSP og bag-ong kuwarta nga 'new generation currency'.
Kini karong bag-ong kuwarta nato, aduna kini daghang komplikadong mga 'security codes', pagseguro nga mamintin gyud ang 'genuity' o pagka-orihinal niini nga dili basta mapeke. Adunay detalyadong tips sa BSP (Bangko Sentral ng Pilipinas) pinaagi sa ilang booklet nga KNOW YOUR MONEY "feel, look, tilt"…..
1. Hinola o batyaga ang papel nga medyo sapnot o mura'g may pagkapanapton hikapon ug dili dangog pisilon.
2. Sud-onga o suhetoa gyud ang kolor ug disenyo.
3.Sulinga o pasihaga kay may sekretong di basta makita gawas kun kini ibantang sa hayag. Daghan ni'g mga 'security codes'
Sama sa:
* 'Fiber'- Makita mga lanot maklaro diha sa puting bahin sa kuwarta.
* 'Water mark'- amag o hanap ning anino sa dagway sa retrato.
*'Security Tread'- sinawon nga badlis o putol putol nga silakong ribbon nga gibabag
Sa kuwarta.
*'Serial #'- May letra ug numero isig ka kilid ubos ug taas nga gagmay'ng pinadako ang disenyo.
* 'See-through mark'-adunay disenyo nga katunga ra makita apan matibuok kini kun pasihagon.
*' Embossed print'- Mura'g pinabaga ang pagprinta (ang numero sa kuwarta ug Republika sa Pilipinas). Adunay disenyong logo nga kun iharagharag 90 degrees, mag-usab-usab iyang mga kolor. Tanang bag-ong kuwarta adunay nakabutang nga linging logo sa Bangko Sentral ng Pilipinas, nga kolor azul ug puting disenyo.
- Latest
