Kabus apan gawasnong mopili

Ang atong desisyon karon maoy mohulma sa atong kaugmaon. Diyotay nato nga sipyat karon ang magdala og kalaglagan alang kanato sa umaabot. Kabus na gyud kaayo ang tawo nga bisan gani diha sa paghimo og desisyon ang dili magkadimao. Ning maong kapasikaran kita gihagit:

1. Nga magmatinud-anon sa atong mga desisyon sugod sa atong kaugalingon mismo.

2.   Tinuod anaa ang kagawasan apan ang maong kagawasan dunay limitasyon nga gamiton lamang kini sa pagbuhat og maayo ug dili ang pagbuhat og dautan.

3. Dili kini isyu kun gipadayag o gihatagan og kinabuhi ang imong binuhatan. Hinunoa, isyu kini kun nahimo ka bang hamtong ug responsable sa imong desisyon. Dili kini mahitungod sa Decision Making lamang kondili mahitungod kini sa Decision Management usab.

Sama ni Maria nga nahimong nagmasinugtanon sa kabubut-on sa Dios kita pud unta ang mamahimong maisog diha sa paghimo sa atong mga desisyon alang sa katuyoang Diosnon. Mahimong kita sawayon ug bugalbugalan apan ang pagkamatinud-anon sa kaugalingon dako kaayo og kahimoan aron mamahimo kitang gawasnon diha sa kamatuoran. Hibaloi nga ang pagkasayud sa kamatuoran ang magdala kanato og kaluwasan.