Ang karnero

Ang karnero dili gyud tawon muhimo og pa glangas sa panahon nga siya ihawon. Simbolo siya sa Kordero sa Dios, dili sama sa kanding nga kusog kaayo mobahihi. Sa akong  bahin, nahimugso ako sa tuig sa karnero ug ang akong zodiac sign mao ang capricorn kon kanding. Hinuon, dili man ko motuo sa horoscope apan ang maong kahimtang ang naghatag kanako og interest por lo menos sa paghimo og personal nga pagduki-duki sa kalambigitan niini.Kun diha sa imong damgo gipalibotan ikaw sa mga karnero mahimong ang imong unconscious ang nipahigmata kanimo sa imong assertiveness taliwala niadtong mga tawo nga imong makontrol. Imo silang gipakasama sa mga karnero nga magsunod-sunod lamang sa imong gusto ug giya ingon nga ilang magbalantay. Sa laing bahin, kun nakita nimo ang imong kaugalingon ingon nga usa sa mga karnero mahimo usab nga pahinumdom kini nga ikaw huyang ug abli sa bisan unsang pag-atake ug pag-abuso niadtong mga tawo nga maisip natong strong kaayo alang nimo.