Gipakauwawan sa silingan

Dear Atty. Divine,

Duna ko’y pangutana may labot sa akong silingan nga nagpakauwaw kanako pinaagi sa pagbutang-butang nga ako kabit sa usa ka opisyal sa gobiyerno. Nauwaw ko sa iyang gibuhat kanako attorney kay pamilyado intawon ko ug ang akong bana tua magtrabaho sa Manila. Plano unta nako nga pasakaan siya og kaso aron paghatag kaniya og leksyon. Unsa may kaso nga akong ipasaka kaniya? Unsa may lain nako nga buhaton aron paglimpyo sa akong ngalan? Daghang salamat daan sa imong pagtubag sa akong mga pangutana. - Leny

Dear Leny,

Kun interesado g’yud ka nga mopasaka og kaso batok sa imong silingan mahimo ka’ng mopasaka og kaso’ng Oral Defamation tungod sa iyang pagpakauwaw kanimo ug pagdaut sa imong dungog. Lain ‘sab nimo’ng option mao ang pagreklamo ngadto sa inyo’ng barangay aron kamo magkaatubang ug pamasin nga kamo maareglo ilabi na karong panahon sa Pasko ug pinaagi niini di na kamo mangabot pa sa korte. Mas maayo ‘sab nga maestorya nimo siya daan aron ‘sab imong mapaminaw ang iyang side ug masusi nimo kun siya ba g’yud ang nagpakatap og estorya batok kanimo. Kun di g’yud kamo mahusay sa barangay, so adto na lang mo’ng duha mag-abot sa korte. - Atty. Divine

Kun ikaw dunay pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules ug Domingo