Drugas ang makapaluya

Ang drugas dili mao ang paagi aron maangkon ang maayong panglawas, kun dili mao hinuon kini ang agianan nga mosulod ang mga hinungdan nga ang lawas nato masakit. Sagad sa mga druga, maayo lang kini sa temporary nga pag-alibyo sa kasakit apan mobalik ra kun mawala na ang gahum sa druga.

Ang kanunay nga pagkunsomo sa drugas, may purohan nga motumaw ang laing depekto niini sa lawas, imbes ayuhon ang mga gipamating sakit. Pananglitan sa mga pain killers, sama sa aspirin, anacin, analgin ug uban pa., temporary lang mawala ang panakit. Nga sa sige'g paggamit niini, mangadaut ang atong kasingkasing, atay ug kidney. Unya mokomplikar pa nig laing sakit.

Mao kini ang seryosong sangpotanan sa paggamit og drugas. Daghang nag-antos sa sakit sa pangatol sa tibuok kalawasan o allergy, nga epekto sa drugang antibayotiks. Kini ang permanenteng depekto nga maoy naandan nga gihimo. Unya ra ba magkadugay mosiaw nga di na magsilbi kay mangita nag  ma's isog pang klase sa antibayotiks nga isakbang sa nagkadaghang kagaw.

Mas maayo gyud unta, magkat-on kita sa natural nga paagi nga malikayan nga di magrabehan kun ugaling magkasakit man. Ang hustong pagkaon kanunay sa mga natural nga prutas ug mga utanon, igo na kini maghatag og kumpletong mga nutreyens nga gikinahanglan sa himsog nga panglawas. Hinuon, kun masubraan sa kainit, daghang mangawala sa mga nutreyens niini.

Nadiskubrehan nga kadtong linugdang sa mga druga ug mga natigum nga basura o toksins sulod sa lawas maoy nag-ani nga magpiyesta ang kagaw nga atakehon ang lawas, kay luya na ang imyun o depensa sa atong panglawas.