Bonus kinahanglan ba nga kuhaan og buhis?

Dear Atty. Divine,  

Duna lang ko’y pangutana labot sa 13th month pay ug sa bonus kun angay ba kana nga kuhaan og buhis sama sa suweldo nga dunay income tax? Kun makadawat ka na og 13th month pay, obligado ba sab ang employer sa paghatag og bonus? - Sheena

Dear Sheena,

Kana’ng 13th month pay ug bonus nga gidawat sa mga ordinaryo’ng empleyado, wala nay deduction sa tax kay duna kana’y tax exemptions. Kaniadto ang bonus ug 13th month pay nga dili molapas sa P30 mil exempted sa tax. So kun ang imong gidawat dili mosubra sa P30 mil then tax exempt kana. Apan karong bag-o gipasar na sa kongreso ang pag increase sa tax exemptions sa mga bonus ug 13th month pay gikan sa P30 mil ngadto na sa P82 mil. Sa ato pa kun dili mosubra sa P82 mil ang imong madawat nga bonus or 13th month pay, then tax exempt kini. Kanang 13th month pay mao ra nay mandatory sa balaud. Samtang ang paghatag og bonus kabubot-on ra na sa employer apan kun nahimo na nga tradisyon ug nahimo na’ng practice sa kompaniya ang paghatag og bonus gawas sa 13th month pay sa ilang mga empleyado then dili na kini mahimo nga undangon sa kompaniya.Thanks and God bless. - Atty. Divine

Alang sa inyong pangutana ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules ug Domingo.