Mandatory PhilHealth coverage

Dako ang atong pasalamat nga finally, ang mandatory PhilHealth coverage alang na sa tanang senior citizens, indigent o milyonaryo, pinasikad sa bag-ong napirmahan sa presidente nga Republic Act 10645, nga consolidation sa House Bill 4593 ug Senate Bill 4593.

Ang RA 9994 kon Expanded Senior Citizens Act of 2010 naglatid nga ang coverage alang lang sa mga indigent senior citizens. Apan ang mga magbabalaud ug ang kadagkoan sa PhilHealth nakahunahuna nga angay nga protehean ang tanang senior citizens, regardless sa ilang kahimtang.

Matud ni Senador Ralph Recto, usa sa mga main authors sa Senate version: “Enrolling the senior citizens must be automatic, not optional. The ideal is that the minute they blow out the candles on their 60th birthday cake to the moment they breath their last (simbako) they should be PhilHealth members.” Dapat lang.

Ang pundo alang ning maong katuyoan adto kuhaa sa PhilHealth- National Health Insurance Fund. So, wala diay problema sa kuwarta. Magkinahanglan og P5.2 bilyones matag tuig alang ning maong health insurance sa mga senior citizens.

* * *

Usa sa mga health problems nato’ng mga senior citizens mao kini’ng pagkatulog. Kadaghanan nato mugbo na lang og kinatulgan. Dili kuno angay kabalak-an. Upat ka oras nga pagkatulog oki na kuno.

Apan duna say moingon nga kinahanglan at least walo g’yud ka oras. Usahay ra ba, in my case, maabtan ko’g alas 12 pagtan-aw sa TV, labi na’g mga karaan nga mga movie ang mga artista nga nangamatay na tingali, sama kanila ni Gregory Peck, Robert Taylor, Burt Lancaster, Henry Fonda, Humphrey Bogart, Kirk Douglas, ug daghan pa.

Si Willie T. Ong sa Philippine Star, misugyot og mga paagi “to sleep better.”

1.) No mental work after 6 pm. 2.) Turn off your mind. 3.) Turn around the clocks. Ayaw pagsige’g tan-aw sa relo. 4.) Don’t schedule an early morning meeting, aron dili ka ma-anxious pagsige’g hunahuna niini during the night. 5.) Your bedroom is for sleep only, dili himuon nga dapit pagsulbad sa mga problema. 6.) Count your blessing instead of sheep. 7.) Make your body tired. Ang Bible nagkanayon: “The sleep of the laborer is sweet,” kay hago, lapoy man, “but the rich man tosses and turns at night,” gumikan sa kabalaka tingali’g kawaton ang daghan niyang kwarta. 8.) Pray the Rosary. 9.) Give your problems to God.

In the meantime, paminaw sa Senior Citizens Hour sa DYRC, 648 kHz, matag Sabado 5:00-6:00 pm. Text 09227486687.