Pag-usab sa ngalan ug apelyido

Dear Atty. Divine,

Duna unta ko’y pangutana kun mahimo ba nako nga usbon ang akong pangan ug apelyido. Bati man gud ko og apelyido ug gipun-an sab sa akong mga ginikanan nga gibunyagan ko og karaan sab kaayo nga pangan. Gusto unta nako nga ipausab, mahimo ba kaha na? Wa man ko’y mga kaso nga giatubang. Kun puwede, unsa may maayo nako nga buhaton. Daghang Salamat. - Boy

Dear Boy,

Kun ang imong first name ang usbon mahimo man ug adto na nimo ipausab sa Local Civil Registrar. Kun unsay imong gigamit karon nga first name nga diin mao nay nailhan nila nimo then mao nay imong gamiton sa pagpausab sa imong first name. Kinahanglan sab ka og mga dokumento nga i-submit aron pagsuporta sa imong tinguha pag-usab sa imong pangan. Moadto lang ka sa Local Civil Registrar diin ka marehistro ug mangayo ka og listahan sa mga requirements nga kinahanglan nimo’ng i-submit kanila alang sa pag-usab sa imong pangan. Usa sa mga requirements mao ang Court clearances, NBI ug Police Clearance, publication sa newspaper ug uban pa.  Duna say bayranan nga P3 mil isip filing fee. Samtang sa imong tinguha sa pag-usab sa imong apelyido adto na kana sa korte. Kinahanglan ka nga mopasaka og Petition sa korte alang sa pag-usab sa imong apelyido ug magkinahanglan na sab ka og abogado niana kay aduna man kana’y hearing. Ang maayo nimong buhaton mao ang pagduol og abogado aron iyang matun-an ang imong tinguha pag-usab sa imong apelyido. Thanks and God Bless. – Atty Divine