Unsay buhaton kun dili mahuman ang condo?
Dear Atty. Divine,
Dunay mi-offer nako og condominium unit. Matud pa sa ahente nga payable for 2 years ang 20% nga downpayment apan pagkakaron gi-construct pa ang building ug duha ka tuig pa kini mahuman. Nagplano ko nga mokuha og usa ka one bedroom unit apan ang ako lang gikahadlokan kun dili mahuman ang building sud sa duha ka tuig unsa may puwede nako nga buhaton? Asa man sab ta moreklamo kun duna ta’y problema labot niini? Hinaut nga imong matubag ang akong mga pangutana. Daghang salamat. - Nenita
Dear Nenita,
Mas maayo man nga mokuha ka og condo unit kay investment man na. Mas ubos ‘sab ang presyo kun pre-selling ang imong kuhaon. Kun dili mahuman ang building base sa gipasalig sa developer, aduna kay duha ka option. Ang una nga pwede nga buhaton mao ang paghunong una sa imong monthly payments hangtud nga mahuman ang building. Ang ikaduha mao ang pagpangayo og refund sa imong nabayad sa maong condo. Kun di mo-refund ang developer mahimo ka nga moreklamo niini ngadto sa Housing and Land Use Regulatory Board (HLURB) nga maoy dunay jurisdiction sa mga reklamo may labot sa mga subdivision ug condo. Thanks and God bless. – Atty Divine
Alang sa inyo’ng pangutana ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyo’ng pangutana pinaagi sa akong column matag Miyerkules ug Domingo.
- Latest
