Supak sa tinuohan

Dear Atty. Divine,

Nagtrabaho ko sa usa ka kompaniya. Karong bag-o nakadawat kami’ng tanan og memorandum nga kinahanglan g’yud mi mutambong sa Christmas party sa company. Apan against kana sa akong tinuohan kay lahi ko og religion and we don’t celebrate Christmas. Ang akong pangutana kun makapugos ba ang akong company sa pagpatambong nako sa party? Unsa may akong angayan nga buhaton? Daghang salamat. - Ella

Dear Ella,

Mas maayo nga imong sultian ang inyo’ng manager or ang inyo’ng HR head labot sa imong tinuohan aron makasabot siya. Sultii ‘sab siya nga dili ka makatambong sa inyo’ng Christmas party tungod sa maong rason. Wala may balaod nga magpugos sa empleyado o magsilot kaniya kun dili kini makatambong sa Christmas party sa company. Ang mandatory lang nga nabutang sa balaod nga kinahanglan ang employer mohatag sa 13th month pay on or before December 24. Hinuon kun masayod ang imong company nga lahi ka og tinuohan then makasabot ra kana sila ug dili ka pugson pagtambong sa maong party. - Atty. Divine

Alang sa inyo’ng pangutana ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyo’ng pangutana pinaagi sa akong column matag Miyerkules ug Domingo.