Kinsay nagpatay?
Kinsa gayud ang nagpatay kang Ellah Joy Pique? Siya ang bata nga gi-kidnap gikan sa iya’ng eskuwelahan sa lungsod sa Minglanilla ug nakit-an na lamang nga wala nay kinabuhi didto sa lungsod sa Barili.
Mao kini ang dako nga pangutana karon. Kini human usab nga gibasura sa korte ang kaso batok sa prime suspect nga si Bella Ruby Santos sa niagi nga semana tungod sa pagkawalay igo’ng basihan.
Nakita sa korte nga kulang ang ebidensiya batok kang Santos. Ug tungod kay kulang sa ebidensiya, huyang usab ang kaso batok sa mao’ng suspek. Tungod niini, dali rang naka-dismiss ang korte sa mao nga kaso.
Unsay nahitabo ngano nga kulang sa ebidensiya ang kaso batok kang Santos ug sa iya nga hinigugma nga Briton? Ang pagka-dismiss sa kaso nagpasabot lamang nga ang problema anaa sa habig sa prosekusyon.
Sa mga ebidensiya ug witness nga gipresentar sa prosekusyon, nakita sa hukmanan nga kulang gayud kini aron pagduot kang Santos ug sa iya’ng hinigugma nga langyaw nga maoy responsable sa kamatayon ni Ellah Joy. Sa pagkahagba sa mao’ng kaso, klaro nga ang prosekusyon maoy angay nga basolon. Tungod lagi sa ila’ng pagdali-dali aron pagkab-ot og konbiksiyon, wala na hinuon nagkadimao ang ila’ng ebidensiya.
Kahinumdoman nga una na nga napalpak ang kapolisan sa mao nga kaso. Sa wala pa si Santos, adunay gidakop ang kapolisan nga usa ka nurse ug hinigugma niini nga langyaw sa pagtuo nga mao sila ang suspek.
Apan palpak sila. Kini tungod kay wala gyuy usa ka ebidensiya nga nagpunting sa mao’ng nurse ug sa hinigugma niini nga maoy nagdagit ug nagpatay kang Ellah Joy. Tuod man, mibalik sa sinugdanan ang ila’ng imbestigasyon.
Niini’ng pagbasura sa korte sa kaso batok ni Santos, mitiurok usab ngadto sa sinugdanan ang pagpangita sa pamilya ni Ellah Joy sa hustisya sa iya’ng kamatayon. Morag blangko sila karon kun unsay sunod nga buhaton.
Ingon gayud niini ang kinabuhi. Usahay ania kita sa pagkalugmok nga sitwasyon. Makasimpatiya lamang kita sa pamilya sa biktima. Ug nga hinaut nga makab-ot ra gyud nila ang hustisya sa katapusan. hnny De Los Reyes ug kanhi Talisay City vice mayor Alan Bucao. Wala pa hinuon makonpirmar gikan g’yud sa mao nga mga hingtungdang politiko kun unsa ka tinuod kini’ng maong report.
Buyno, pulos lig-on ang maong mga tandem, apan wala pa hisayri kun madugangan pa sila tungod kay mag-agad kini sa mga kandidato pagka-presidente sa nasud nga ilang masandigan.
Hinuon, kun tulo lang ka dagko’ng partido ang mag-ilogay pagpadagan og presidente sa nasud, aw mao usab ang mga kandidato sa Talisay City.
Sa pagkakaron dili pa nato masiguro ang pulso sa mga botante sa Talisay.
Mao kini ang nahitabo sa election sa 2013 nga nakapahimo nga makasaysayanon sa Talisay tungod kay dili kalikayan nga ikatandi sa mga tigpaniid ang pinatyanay tali ni David ug Goliat ug sa kombati-politikanhon tali sa beterano nga si Gullas ug sa dili pa tadhan nga si JVR.
Apan nasaksihan sa kadaghanan ang nahitabo, ug ambot lang kaha kun ingon ba kaha niini ang resulta sa election sa 2016.
* * *
- Latest
