International Day of Senior Citizens

Wa’a kaayo ko mahibawo nga aduna diay International Day of Older Persons (IDOP) nga gisaulog sa global community matag Oktubre 1, sukad pa sa tuig 1991, pinasikad sa resolution sa United Nations’ General Assembly nga gihimo sa Disiyembre 14, 1990.

Dinhi sa nasud atong gisaulog ang Linggo ng Katandaang Pilipino, samtang sa atong dakbayan sa Sugbo, tibuok bulan g’yud sa Oktubre ang atong pagsaulog sa Senior Citizens Month.

Ni’ng maong kasaulogan, gipaabot nga ma-highlight kini’ng mosunod:

a] Illustrate the important role of senior citizens as models of the youth, and as guide of the nation.

b] Source of good manners and conduct and attitude of a true Filipino, which, at present is gradually vanishing. Mo-amen pa ba kanato ang ato karong mga batan-on?

c] Give value and acknowledge their contribution to the nation.

d] Continue loving and caring for them. Daghan na ra ba karon ang mga neglected ug abandoned nga mga elderly.

Katuyoan pagsaulog sa International Day for the Elderly, giingon dinhi, is to draw public attention to the older people as a new power for development.

“A new power for development” nga sa ato pa, maghisgot ta’g kaugmaran, dili nato i-ignore ang matampo sa mga senior citizens. Daghan pa ni sila’g mahimo.

Ang World Health Organization [WHO] mibutyag nga aduna nay 600 milyones ka senior citizens sa tibuok kalibutan, ug madoble ang maong gidaghanon sa tuig 2025, ug moduha ka bilyon sa 2050.

Ang pagsaulog sa International Day for the Elderly, sama kuno sa pagsaulog sa National Grandparents Day sa America ug Canada, sa Double Ninth Festival sa China, ug sa Respect for the Aged Day sa Japan.

Alang sa mga “junior” citizens, kun unsa ang inyo’ng pagtratar sa katigulangan karon, mao usab unya ang inyo’ng mahiagoman inig-abot sa inyo’ng panahon.

Giingon dinhi, “The way we treat the older members of our household, community, and society will determine the way we will be treated when we reach old age ourselves.  Let us, therefore, treat and care for them just as we would want to be treated when we reach their age.”

Haum ug tukma. Nagpasalamat kita nga ang atong kagamhanan, ug ang Pilipinhong katilingban mismo, nagpakabana na sa kahimtang sa mga senior citizens, nagpakita sa ilang pagpangga ug pag-amuma sa katigulangan, nga dili na maisip nga second o third class citizens.