Sa hardin

Tabunok sa kahulogan kun maghisgot kita og hardin o tanaman. Diha sa kalibutan sa damgo ang hardin o tanaman simbolo sa lihok sa pag-atiman tali sa hardinero ug sa hardin gyud mismo. Diha sa maong pag-atiman tumong dili lang ang kahimsog kondili lakip usab niini ang bunga.  Kun kini ang nigawas nga hulagway diha sa imong damgo, nahimong pahinumdom kini nga panahon na aron imong palambuon ang imong kaugalingong talento ug pagkatawo. Kuyog pud niini ang pagpul-ong sa imong mga taras nga wala kinahanglana diha sa proseso sa kalambuan.