Diha sa tumang kamanggihatagon

 Ang unang pundok sa mga trabahante ang giisip ra gyud nga trabahante samtang ang ikaduhang pundok ang giisip sa tag-iya sa parasan nga iyang mga paryente. Mao kini ang hinungdan kun nganong ang maong gipaulahi pagtrabaho ang nakadawat gihapon sa susamang suhol sama sa nauna bisan pa man kun diyotay ra kaayo ang ilang hago. Butang nga nakahatag og kasina sa nahiuna ngadto sa naulahi. Gitataw sa Ginoo nga ang mga makasasala ang mahimong makasulod sa Gingharian kay human nila madungog ang mga pagwali ni Juan Magbubunyag naningkamot sila nga magbag-o sa ilang mga kasingkasing. Dili sama sa mga Pariseo ug mga magtutudlo sa balaod nga nagmagahi.

 Tinuod maayo ug maloloy-on ang Ginoo apan wala kini magpasabot nga magdugay-dugay kita o maglangay kita sa pagbalik ngadto kaniya.  Kun maghisgot kita og pagbag-o, ang tukmang panahon niini mao karon ug dili na ugma.