Pamaagi paglikay sa sunog

Sa miagi’ng semana gihisgotan nato ang pipila ka pamaagi aron malikayan ang sunog diha sa atong panimalay. Gibatbat nako ang mga pamaagi nga angay’ng himuon kun mahitabo nga moulbo ang kayo samtang kamo magluto. Dia ang uban nga pamaagi.

Maintain your stoves. Ang pagpundo sa mantika o grasa mahimong peligro sa sunog. Kinahanglan nga mamentinar ang kalimpyo sa atong stove o lutoanan.

Batasanon g’yud unta nato ang pagtrapo niini mata’g human ug gamit aron walay mapundo nga usik nga mantika. Kinahanglan usab nga tan-awon ang LPG hoses ug valves sa posible’ng hungaw.

Ang labing praktikal ug dali nga pag-check kun duna ba'y leak sa LPG hose ug valve mao ang pagkuha og panapton diin bas-on, sabonan ug pabolaon ug maoy ipahid sa hose hangtod sa regulator.

Kun makakita kamo og bola kon bubbles timailhan kini nga dunay leak ang hose o ba kaha ang regulator niini. Ayaw paglangay, ilisi dayon kini ug bag-o.

Unplug idle appliances. Angayan nato’ng mahibaw-an nga plugged electric appliances continue to draw electricity even when switched off. Sa gidugayon nga kini nakasaksak posible’ng dunay mga electrical components nga mo-overheat and will burst into flame when left for too long.

Pipila lamang kini ka pahimangno, apan kun atong hatagan og importansya mamahimo nato kining giya sa paglikay sa sunog nga magagikan sa kusina.

Ang atong kahibalo ug pag-amping kanunay maoy yawe nga makalikay kita sa sunog. Maayo unta og ato kining buhaton diha sa atong panimalay.