Out of coverage area: Temang Nalambigit: Panagbulag sa usa ka relasyon

Ang telepono o ang cellphone simbolo ug kahimanan sa komunikasyon. Kini maoy modugtong kanato ngadto sa ubang mga tawo labi na kanila nga suod kaayo nato. Kon diha sa imong dreamworld   nakita nimo ang imong kaugalingon nga naputlan og linya sa telepono o dili ba kaha,  walay signal ang imong gitawgan , nahimong kabahin sa imong mga kahadlok ug kabalaka ang mahitungod sa panagbulag. Sa laing bahin, mahimong ang maong damgo usa ka pagpahigmata alang kanimo gumikan sa imong kawalay tingog diha sa pagpadayag sa imong gibati o panahom ngadto sa ubang mga tawo. Kini tungod kay nasanapan ka sa kahadlok nga dili ikaw paminawon. Mahinungdanon kaayo ang komunikasyon bisan asa. Dili kita mabuhi kon wala kini. Mao nga mas maayo nga matag karon ug unya abli kita sa pagpadayag sa atong pagbati ngadto sa uban ug nga maantigo kitang modawat sa buhing kamatuoran nga dinhi sa tawhanong kalibutan, the only permanent reality is separation dili ba?