Federation of Senior Citizens of Guadalupe

Sa tinguha paghiusa sa mga senior citizens ning dakbayan, labi na sa barangay level, ang lima ka chapter sa mga senior citizens sa Guadalupe, mipalig-on sa ilang Federation. Ang bag-ong napili nga presidente, si Novio Brovo, miingon nga kinahanglan ma-functional na ang maong pundok.

Kini ang atong nasayran gikan ni Lauro Salaber, ang secretary-treasurer sa federation, ug presidente sa Barangay Guadalupe Senior Citizens chapter. Aduna silay 160 ka sakop, diin labaw sa katunga niini ang aktibo. Duna silay panagtigom matag katapusang Huebes sa bulan, ala 1:30 sa hapon sa Guadalupe Complex.

Ang monthly dues: P10 ang bulan, kun P120 ang tuig. Mao na kini ang ilang kuhaan sa petty cash ug mortuary assistance. Magdugang sila’g P5 matag sakop ilang tampo ngadto sa Federation.

Ang mga napiling kauban ni Salaber, mao sila si Romy Gabutan, vice president; Regina C. Elemia, secretary;  Timotea N. Tan, treasurer; Jorge V. Castellanio, auditor; Fe D. Villareal, Remedios A. Sevilla, social managers.

Samtang ang mga opisyales sa Federation, gilangkoban nila ni Novio Brovo, president; Val Olandria, vice president; Lauro Salaber, secretary-treasurer; Emilia Arbon, auditor; Carmen Gabucan, social manager

Ang mga vice president sa lima ka chapter, automatic nga mamahimong sakop sa Board of Directors, sila si Romy Gabutan, Paz Gallardo, Washington Dino, Vicente Dungog, Roger Ancajas. Ang mga adviser sila si Konsehal Wilfredo Gallardo, Chair, Committee on Education and Appropriations; ug Konsehal Apol Ross G. Enriquez, Chair, Committee on Health and Social Services.

Apan ang meeting niini matag ikatulong Miyerkules sa bulan, 1:00 pm. Lahi sa ubang pipila ka barangay, ang tanang lima ka chapters sa mga senior citizens sa Guadalupe, walay problema uban ni Kapitan Michael Gacasan ug sa mga sakop sa konseho. Ang tanang presidente, adunay kaugalingong  lamesa sulod sa barangay hall. Walay pagpinig ang paghatag sa assistance, walay bulok sa politika.

Usa sa mga laraw sa Federation mao ang pagpasiugda’g mga livelihood projects, aron adunay kinitaan ang pundok ug aron makahatag og mga benepisyo ngadto sa mga sakop niini.

In the meantime, paminaw sa Senior Citizens Hour sa DYRC, 648 kHz matag Sabado, 5:00 – 6:00 pm, Tel. 4162868.