Ang Banat News
B ag-ohay lang, nubentay-singko ang The Freeman.
Samtang ang Banat News,
mag-ikakawhaan,
Sa ilang kasaulogan, atong abibahan.
Ang magsuong mantalaa’ng gikahinaman.
A ng basahon, nga sa ilang kasaysayan,
Kon paklion, mga panid sa katuigan,
Nakalahutay,sa pagsulay’ng hilabihan.
Karon, lig-on na sa iyang nahimutangan.
Nga matag letrang mapatik sa kaisipan,
Kasayurang gihangop sa tigbasahan,
Mga balita, opinion ug kalingawan,
Nakahatag ni’g kalipay ug katagbawan.
Ang bag-ong Banat News maoy timailhan,
Sa hagit, sa kalamboang angay silongan.
Kay misulbong, nga dili na gyud mapugngan.
Nga nagkadugay, nagkalami’ng gihugopan.
Tugon sa kahitas-an, maoy gitamdan,
Nga nasilsil sa ilang alimpatakan.
Ang gipatik, lunlon lang kamatuoran,
Aron kini sa katawhan, masandigan.
- Latest
