Pulong sinugbuanon
Daghang mga pulong Binisaya nga dinhi magsugod sa Sugbu ug mikatap na ron isip lingua franca sa tibuok nasud.
Sama pananglitan sa pulong ukay-ukay. Bisan asa ka moadtong suok sa atong 7,100 islands kining pulonga maoy gigamit alang sa used clothing o second hand garments.
* * *
Walay laing pulong nga namugna hulip aning atong ukay-ukay didto sa Ilocos, sa Bicol, sa Tawi-tawi, ug ubang dapit sa nasud.
Bisan ang mga sakop sa elite nga pundok sa Manila, Makati, etc. ukay-ukay sad ang pulong gamiton kon mohisgot og second hand garments.
* * *
Kini sang pulong nga haba-habal, dinhi man sad ni giimbento sa Sugbu. Wa man kita makakita’g pulong alang sa motorsiklo nga gihimo’g depasaheruan, habal-habal na lang ang gipunit nga linguwahe tungod kay mora man sad motakdo sa situwasyon.
* * *
Bisan didto sa Boracay ang depasaheruan nga motorsiklo ginganlan sad nga habal-habal. Nagtan-aw ko og tv docu di pa dugay diin ang gihisgutan usa ka isla sa tumoy sa Panay, habal-habal sad ang tawag nila sa motorsiklo depasahero.
Ang pulong sab nga masiao o masiaw dinhi man sad sa Sugbu na-imbento panahon sa kusog pa ang sugal nga jai-alai. Hangtud ning panahuna masiao gihapon ang tawag sa sugal nga gibasi sa lotto didto sa Mindanao.
* * *
SA LAING BAHIN ... Mangumusta kita sa atong mga higalang magbabasa og Banat News ug magpasalamat kita nga sud sa 20 na ka tuig nagpaluyo gihapon sila kanato.
- Latest
