Leukemia

Unsa man kini? Ang leukemia usa ka matang sa sakit nga kanser nga nakaapektar sa katakos sa lawas sa paghimo og mga himsog nga selyula sa dugo. Kini nagsukad sa bone marrow, ang humokong sentro o uyok sa mga bukog. Dinhi gihimo ang mga selyula sa dugo, nga naglakip sa mga mosunod:

(1) Selyula sa pula nga dugo – nga maghatud og oxygen gikan sa baga (lungs) diha sa tisyo sa lawas ug pagkuha sa carbon dioxide, ngadto sa baga aron igawas kini pinaagi sa pagginhawa nga ibuga paggawas (exhale).

(2) Selyula sa dugo nga puti – nga motabang sa pagsanta sa mga impeksyons, viruses ug ubang kagaw o sakit.

(3) Platelets – para dili motibugol o mobagtok ang dugo.

Bisag nakaapektar kini nga kanser sa selyula nga pulang dugo ug platelets,  ginganlan gihapon kini’g kanser sa dugo nga puti. Ang leukemia nakaapektar usab sa usa sa duha ka klase sa puting dugo;

(1) Lymphocytes – nakatabang kini sa maayong sirkulasyon sa dugo ug pagtabang nga molig-on ang ‘immune system’ aron nga santaon ang mga viruses, impeksyons ug ubang modaut sa lawas. Kun kini ang naapektahan, nganlan kini og lymphocytic  leukemia.

(2)Granulocytes- dako gihapon ni og kapuslanan sa lawas apan kun kini ang naapektahan, nganlan kini og myeloid o myelogenous leukemia.

Matud pa sagad sa taptan niani, kadtong puti kaayo o pution og pamanit.  Ang itom o morena’g pamanit, medyo kuli o tagsa ra nga masakit og leukemia.