Sunda si Lincoln

Kun daghang kapakyasan ang imong kinabuhi ayaw sawom sa lapok, matud pa sa mga tiguwang didto sa among baryo. Hunahunaa lang si Abraham Lincoln usa ka tinamud nga tawo dili lang sa Amerika diin siya nahimong presidente kundili sab sa tibuok kalibutan.

* * *

Suma pa ining gamay’ng magasin nga gitaytulan og “Belib Et Or Nat” nga hinatag ni Lorie de la Serna, inilang periodista nga  Oponganon, nisuway si Lincoln enter sa politika sa batan-on pa siya ug nalubong tagaliog sa botos sa iyang kontra.

* * *

Nisud sad siya og negosyo ug maayong pagkalukapa sa iyang patigayon. Disiyete (17) ka tuig ang binayranay sa utang ngadto sa mga giutangan sa iyang kasosyo sa negosyo.

* * *

Na-engaged siya sa usa ka babayeng maanyag kinsa iyang pangasaw-onon apan ang maong dalaga namatay dihang hapit na sila kaslon.

* * *

Sa ikaduha niyang salyada sa politika, grabe nasad ang iyang pagkapilde. Ni-apply na lang tawon isip empleyado sa US Land Office apan wa dawata.

* * *

Kapakyasan diri, kapakyasan didto. Apan bisan pa niini si Abraham Lincoln wa gyud mawad-i’g paglaum. Wa siya mosawom og lapok suma pa sa mga tiguwang sa among baryo. Nahimo siya nga presidente sa Amerika ug giila karon nga usa sa mga “greatest Americans.”

* * *

SA LAING BAHIN ... Salamat ni Lorie de la Serna sa complimentary copy sa “Belib Et or Nat” nga iyang gihatag kanato ... Salamat sa mga taga Cabreros ug Alumnus tungod sa ilang nagpadayong basa sa Banat News.