Stroke

Kinaiya ba nimo ang pagkamasuk-anon ug pagka mahilabtanon sa motibo (motive) sa ubang tawo? Kun duna kay kinaiya nga ingon niini, kuyaw ka sa stroke kon sa Binisaya pa ataki sa kasingkasing.

* * *

Kini sumala sa usa ka medical research nga napatik sa “Stroke,” journal sa American Heart Association. Suma pa sa maong medical journal, sa research nga napatik sa maong basahon daghang mga tawo gikan sa nagkadaiyang rasa (races) ang nabiktima sa stroke kon ataki sa kasingkasing gumikan sa ilang pagka-masuk-anon ug pagka-mahilabtanon sa kinaiya sa uban.

* * *

Ang balita gikan sa Washington, USA, nagkanayon: “Feeling cynical and hostile toward others may double the risk of having a stroke in middle-aged and older adults,” mga senior citizens nahisakop niining pahimangno.

* * *

Busa kun kinaiya nimo ang pagka-cynical kon hostile ngadto sa ubang tawo, angay tingali nga usbon ta ang maong kinaiya kun mahimo pa. Ako ra kini.

* * *

Hinuon ang mga tradisyonal nga hinungdan sa stroke nagpabilin ug wala mausab sumala pa sa American Heart Association. Kini mao ang cholesterol levels, blood pressure, smoking kon panigarilyo ug uban pa.

* * *

SA LAING BAHIN... Mangumosta kita sa atong mga higalang magbabasa og Banat News diha sa Bogo City ug mga kasikbit nga dapit. Salamat sa nagpadayon ninyong suporta sa Banat News.