Praktikalidad ug kaluoy

Sa kapanahonan sa atong Ginoo, ang katilingban ingon man mga tawo mga agonistic. Kini nagpasabot nga sila mga conflict oriented. Kini ang hinungdan kun nganong dunay mga sagbot nga gitawag nilang darnel o zizania nga nitubo uban sa mga trigo.

Tinuod nga daghang mga sagbot diha sa uma apan atong nakita dinhi nga abnormal ang gidaghanon niini. Tumong ug tuyo sa kaaway nga maulawan ang tag-iya. Apan ang tag-iya praktikal gumikan ning maong mga rason: 

1. Una, kun pangibton niya ang mga sagbot maangin ang mga trigo. Mao nga gipasagdan niya kini. 

2. Ikaduha, ang mga sagbot sa hustong panahon ang maani uban sa mga trigo ug nga ang mga sagbot mamahimong sugnod nga iyang magamit.

Sa laing bahin ang ebanghelyo nipahinumdom kanato nga ang Dios maloloy-on diha sa paghatag og kahigayonan nga ang mga sagbot (dautan) mabuhi uban sa mga trigo (maayo).

Apan wala kini magpasabot nga atong abusohan ang kaayo sa Ginoo. Samtang sayo pa, dili nato himoon nga maglabi ang atong pagkadautan kaysa atong pagkamaayo.