Dali da ganahan

Sa nadawat natong mga txt o call, dunay daghan ang nagkaproblema mahitungod sa ilang pagseks. Dili lang sa mga batan-on hasta usab sa mga edaran na. Kini kay lagi wala sila'y katagbawan sa tulumanon nilang magseks. Dili kini komedya nga problema kay daghan nang nadaut nga magtiayon o panag-uban ang nangaungkag gumikan lang niini.

Hinuon duna tay natural nga remedy niani. Unta makahatag kini'g dakung tabang bisan pa man kini mo-epekto lang, nga magdepende sa atong diskarte. Kun giunsa nato pagtinguha nga makat-on sa pagkontrol sa unsa may atong buhaton. Ilabi na nga dali ra kaayo ka makapagawas sa gana bisa'g wala pa kaarangkada sa paghilawas.

Tungod sa sobrang kahinam, wa kaabot sa pagtugkad sa kalalim sa himaya. Ang paris usab naugtas pagpinaabot nga mabatyagan ang langit nga tugkaron.

Busa sulaye kini.

(1) Mag-ehersisyo- nga hagoon ang lawas aron ang utok mokalma pagtutok sa seks. Makalangan kini sa kahinam tungod sa kaluya sa lawas.

(2) Magdulog- permi aron ma-imyun o maanad ka sa alimyon sa imong paris nga mopaminus sa imong kaagresibo.

(3)Magkita- permi nga anaa magkauban ug mag-estoryahanay sa inyong situwasyon aron di ka mingawon o hidlawon.

(4) Mag-masturbate- kun moandar na ang kahigal mo sigeha bahala'g mahubsan aron inig hamagay ninyo kalmado kang malangan na ang kahinam mo.

(5) Labtiki- inig gahi kun di pa gani ka kapugong,  bawoga nga idul-it ubos sa imong pus-on. Imong mabatyagan nga momenus ang kahigal mo.

(6) Ibta'g ipagawas- nga sigeha'g rebansen hangtud mag-abot mong duha, nga makati mo na sa pagpugong aron magkadungan sa pagtugkad sa kinalaliman.

Ang gihisgutan nato sa itaas, mga personal nga diskarte kini nga dili aplikable sa tanan, apan mahimo kining mga giya aron imo usab matun-an ang labing epektibo nga paagi nga mohaum sa imong situwasyon. Magtinabangay pagtuon sa paris, kun unsa gayu'y labing makatagbaw sa rituwal sa pagseksanay.

Mas maayo sab nga mobisita mo’g doktor o sekolohista nga eksperto kabahin sa seksuwal, aron particular matugkad ang hinungdan sa ingon aning problema nga dali ra gul-an bisan wala pa ka sukad sa pagkombate aron magseks.