Kasilyas

Kun kasilyas o pansayan ang hisgutan, ang Japan makapanghambog nga duna sila’y high-tech nga kasilyas nga dili lang modawat ug mo-flush sa hugaw apan motukar pa gyud og musika.

* **

Gipakita sa publiko dili pa lang dugay ang usa ka modernong kasilyas sa Japan diin ang inodoro motukar choir music. Ginganlan kini og “the singing toilet bowl.”

* **

Atol sa maong eksibisyon, diha say lavatory kun hunawhunawan diin mitudlo sa kabataan sa pagpasalamat human gamit sa inodoro ug human sa flushing.

* * *

Ang lavatory mangutana sa tanang mogamit sa kasilyas -- mga bata ug edaran -- kun unsa kaha ang mahitabo kun ang tanang kasilyas sa kalibutan ma-stuck up ug dili makahimo sa ilang obligasyon ngadto sa katawhan.

* * *

Atol gihapon sa maong kalihukan diin ginganlan kini nga “journey to the Poo”, ug “Emerging Science and Innovation,” ang mga bata gitudloan og mga maayong pamatasan sud sa kasilyas ug human gamit niini. Kinahanglan gyud magpasalamat.

* * *

SA LAING BAHIN... Daghang salamat sa atong mga news dealers sa Banat News kinsa mitabang dili lang sa pagpalambo sa atong sirkulasyon kun dili sab mitabang sa pagpahibawo sa katawhan sa mga mainit nga panghitabo sa dakbayan ug sa tibuok nasud.