Tuslob-buwa
Nakadungog na ba mo ning bag-ong sikat nga pagkaong Sugbuanon nga gitawag og tuslob-buwa? Mao ni ron ang paboritong kan-on sa mga dili kaayo lawom og bulsa.
* * *
Kining tuslob-buwa mura ni og cream soup nga tuslob-tusloban og puso. Ang buwa nga tusloban sa puso hinimo sa utok sa baboy, tinadtad nga sibuyas bombay, atay sa manok ug hipon.
* * *
Suma pa sa atong tinubdan, unang nigawas kining tuslob-buwa adto rang miaging Pebrero. Wala dangtig dugay nga naa na kini sa pipila ka mga karinderya ug mga kan-anan nga pungko-pungko.
* * *
Kining tuslob-buwa duna gyuy kauban pirme nga puso ug matagamtaman gyud ang kalami kun kan-on nga init-init pa. Ang uban mokaon niini samtang ang frying pan anaa ibabaw og kayo ug ang soup nagbuwabuwa pa.
* * *
Suma pa sa research sa atong tinubdan ang tuslob-buwa nagsugod sa Pasil diin sab “naimbento” ang pagkaon nga larang. Ni-klik dayon ning pagkauna sa mga marginal nga pamilya ug mga barkada sa maong dapit. Ang usa ka order sa tuslob-buwa mobili ra og P50 ngadto sa P90 -- lakip sa order napu ka puso ug usa ka panaksan nga tuslobanan nga mao ang pig’s brain soup.
* * *
SA LAING BAHIN ... Samtang dinhi sa ato ang mga kan-anan mohatag og unlimited rice didto sa Manila gilusad di pa lang dugay ang half-cup campaign sa pipila ka kan-anan aron sa pag-limit sa konsumo sa bugas ug aron maka-share ang mga mahihirap og rice ... Komusta diha sa atong mga higala sa merkado sa Bogo City.
- Latest
