Mr. Barangay

Dunay himoong grand alumni homecoming sa Cebu Normal University kon CNU unya sa Sabado Hunyo 21 nga sugdan sa alas 8 sa buntag hangtod sa alas 5 sa hapon. Ang maong kalihukan gipasiugdahan sa federation of Cebu Normal University Alumni Association pinangulohan ni Dr. Recaredo Borgonia ang presidente sa FCNUAAI ug sa tanang mga opisyales sa maong grupo. Sila nanawagan sa tanang mga graduates sa CNU gikan sa elementary, secondary, college ug undergraduates sa pag-apil sa maong dakong kalihukan. Atol sa maong kalihukan pasidunggan ang garbo sa CNU 2014 nga nagmalampuson sa ilang tagsatagsa ka mga linya, apil na niini ang mga mi-top sa mga board examinations sa mga graduates sa maong tunghaan. Dunay registration sa tanang gustong moapil sa maong kalihukan

Brgy Guinacot, Danao City

"Tabangi intawun mi aning kawatan diri sa among lugar diri sitio Tulay kay grabi na gyod iyang gihimo hapit na mahurot mga hiniktan nga manok diri pero wa gyoy gihimo mga barangay officials aning tawhana, mamusil ra ba kun masakpan nga nangawat."

Brgy Bangbang, Cordova, Cebu

"Diri sa among lugar kay nagbaha na man ang shabu hasta tanod diri miapil pamaligya pero mga opisyal sa barangay diri wala gyod mohimo’g aksyon bahin aning problemaha."

Brgy Kamputhaw, Cebu City

"Naunsa na man ning among barangay Sir uy nga hapit man tanang dalan gamay kaayo kun naay mga sunog nga mahitabo maglisod og agi ang mga firetrucks."

Brgy Mabini, Cebu City

"Ang among mga opisyal diri nagduka kay wala gyod kakita aning grabing sugal labi nang hantak sa sitio Dita unya kasagaran ra ba sa magsugal mga batan-on pa, maayo unta’g mabadlong ni sila."

Brgy Mantuyong, Mandaue City

"Diri daplin sa sapa pwerte mang bahua tungod aning gibuhat nga mga chorizo ug paklayonon maayo untag maaksyonan ni sa mga opisyal namo sa barangay kay dugay na ni namong giantos."

Brgy Bulacao, Cebu City

"Ako lang ning ireklamo diri sa Sitio Cabancalan bahin aning mga habalhabal drivers nga magpakusog padagan bisa’g naay mga bata sa daplin sa karsada, akong anak hapit maligsi, wala ra ba ni lisensya ubang drivers."

Brgy Obo, Dalaguete, Cebu

"Kining among Barrio Sir Jun mao ni angay limpyuhan sa kapolisan kay daghan kaayo diri namaligya’g shabu kasagaran ani nila mga habalhabal drivers kay mogamit man sab ni sila."

Brgy Balirong, City Of Naga

"Problema gyod mi sa kabaho sa tae sa baboy tungod aning among silingan nga nagbuhi og kapin 15 ka baboy duol pa gyod sa karsada ug refilling station, daghan nang mireklamo aning ilang pagbuhi’g mga baboy kay kami maoy nag-antos.”

Brgy Calajoan, Minglanilla, Cebu

"Sa Lower Calajoan pwerteng bahua sa tae sa baboy gikan sa ihawan, sukad gibalhin ang ihawan diri sa among lugar wala gyoy nakabadlong nila bahin aning nahiaguman namong problema."

Alang sa inyong mga reklamo text lang sa 09071678643