Retirement plan alang sa third sex

Naay plano kon laraw nga tukoron ang usa ka retirement community alang sa mga retiradong bading kon bayot didto sa usa ka isla dili kaayo layo sa Boracay, Aklan. Ang maong komunidad proyekto sa usa ka multi-milyonaryo nga Fil-American gay nga nagpuyo sa Amerika apan dunay dakong negosyo sa Pilipinas, Amerika ug Japan.

* * *

Matud pa sa atong tinubdan laraw pa kini apan ang mga papeles nga gikinahanglan sa kagamhanan gipinalisar na. Kun matukod, kining maong komunidad sa mga bading nga pagahinganlan nga Gayland maoy bugtong nga komunidad kini alang sa Third Sex sa nasud.

* * *

Ang maong komunidad mosilbi sad nga “home for the aged gays” diin ang mga tiguwang na nga bayot nga walay pamilya nga moatiman kanila sagupon ug hatagan og komportabli nga pagpuyo.

* * *

Kining gilaraw nga third sex community unang gibutyag sa usa ka tabloid journal sa Amerika dili pa lang dugay. Ang pangalan sa “mo bankroll” sa maong proyekto wa ibutyag mentras wa pa kasugdi ang proyekto, suma pa sa journal nga maoy tinubdan niining balitaa.

* * *

Kining giplanohang gay community aduna unyay kompletong kahimanan alang sa health care sa mga retirees lakip na  ang “gym for the aged” ug “geriatric clinics.”

* * *

SA LAING BAHIN ... Greetings sa atong mga magbabasa nga mga tindera ug tindero sa mga merkado publiko sa Metro Cebu. Daghang salamat sa inyong  way hunong nga suporta sa Banat News.

* * *

Note: Kinutlo kini sa artikulo nga tinampo ni Jorge Bering, Lapu-Lapu City.