Pulis mosugal po’g numero
Buanga, uy! Samtang nagkaon ko’g pamahaw sa gamay’ng tindahan nga nahimo pong suking kan-anan sa mga pulis, naigking ko sa ilang gipanag-estoryahan. Hapit gud mahulog ang giingkib kong gaway sa nukos.
Tiaw bay, kusog kaayo ilang tingog nga nagpangutan-anay. “Daog imong numero, Bay?†“Ang numerong gihatag ni Sir, Bay, imong gipustahan?†Midaog man kuno ang numero nga inyong gibagdukan adtong Lunes Bay?†Buanga uy, ligas la’g usa ka numero akong gipatdan da!â€
Sayo sa buntag, dili kay linarang lang bakasi ug inun-unang molmol ang gisula sa mga pulis adtong kan-anan. Hasta sab mga numero sa nagkalainlaing sugal, gikuninitan usab nila. Kun init ang sabaw nga akong gihigop, mas init ang mga numero ug kantidad sa kuwarta nga migawas sa ilang sobra ra kaabling mga baba.
Ako nga daw dili makatuo sa akong nadungog mora’g nahisama sa nahilis nga batonaw (ice)-- maoy naulaw sa ilang pagkatawo nga sila ra mismo ang nagbukhad.
Kay di ba ang mga pulis mao man ang manakop sa mga ilegal nga sugalan sama anang masiao, suwertres, last two o uban pa? Nan karon...unsaon man pagpuo niining mga matanga sa sugal kun ang mga mananakop mismo, naadik sab diay sa maong sugal?
Mao diay, nga hangtod karon, di gyud masulbad kining problemaha. Kay imbes patyon kining mga matanga sa sagbot nga nanurok, ang mga mopatay sa sagbot...mga sagbot man sab diay. Hinuon, dili tanan ha? Nindot unta kun badlongon ni sa ilang CCPO Director. Kay makaguba baya ni’g samot sa ilang imahen nga hagbay rang nagay-ot!
- Latest
