Brigada Eskuwela

Dunay duha ka Kano nga nibilib sa atong Brigada Eskuwela ug gani niapil sa pipila ka mga kalihukan nga giandam sa pag-Balik Eskuwela.

* * *

Suma pa sa atong tinubdan, ang duha ka Kano  (kang kansang mga ngalan wala pangutan-a sa mibalita kanato) niapil sa mga gibuhat sa mga maestro ug trabahante sa usa ka eskuwelahan diha sa Osmeña Blvd.

* * *

Nitabang sila sa pagwelding sa parte sa steel gate  nga  gitaya na. Ug pagkahapon hikit-an sila   nga mitabang sa pagpamintal sa kisame sa usa ka klasrom.

* * *

Kadto diay’ng duha ka Kano nangaminyo og Pinay. Ang usa kanila duna nay anak (babaye). Ang usa wa pay anak. Taga-Labangon ang ilang asawa.

* * *

Ang usa sa duha ka Kano misulti sa atong tinubdan nga nindotan siya sa Brigada Eskuwela ug sa katuyuan niini. Nakahunahuna kuno siya sa pag-introdyus niini sa iyang igsoon nga prinsipal sa usa ka school sa Marianas.

* * *

“I like the spirit of volunteerism of Brigada Eskuwela,” matud niya sa atong tinubdan. “It’s inspiring to see the teachers and students join hands in preparing their school for the opening of classes.”

* * *

SA LAING BAHIN ... Daghang salamat sa atong mga higala diha sa public market sa Tabunok, Talisay City. Padayunon ta ang atong partnership kon panagkumbuya.