Relihiyon

Aduna pay mga dapit sa kalibutan ning panahona diin walay freedom of religion. Ang mga lomolupyo walay kagawasan sa pagsagop sa relihiyon nga ilang gusto.

* * *

Usa sa maong mga dapit suma pa niining balita gikan sa Associated Press (AP) mao ang Sudan, usa ka nasud diin Islam kon Muslim ang relihiyon.

* * *

Didto sa maong nasud ang mga lumolupyo nga mosagop og tinuohan nga gawas sa Islam silotan ug patyon. Sama ning usa ka mabdos nga babaye kang kansang amahan Muslim apan ang iyang inahan Orthodox Christian gikan sa Ethiopia.

* * *

Ang korte sa Muslim nga Shari’a mikonbikto sa maong babaye sa sala nga gitawag sa iningles nga “apostasy” (dili pagsunod sa tinuohan sa amahan) ug gihatagan og upat ka adlaw sa pag-repent kon pagbasul aron dili silotan og kamatayon.

* * *

Apan wala siya magbasul ug nagpadayon sa pagsagop sa relihiyon nga Orthodox Christian. Busa ang korte mihukom nga siya patyon. Gilatigo una siya atubangan sa publiko ug pagkahuman gi-execute kon gipatay.

* * *

Gipanghimaraut kini sa mga nasud nga dunay religious freedom ug sa Amnesty International, apan unsaon man nga mao may balaud sa maong nasud.

* * *

SA LAING BAHIN ... Suwerte kita dinhi sa Pinas kay dunay religious freedom. Bisan unsay relihiyon OK, bisan pa gani kun langaw ang giyukbuan sa usa ka tawo isip iyang relihiyon.