Nagbangotan

Nagbangotan karon ang katawhan sa barangay South Poblacion, San Fernando Cebu sa mitaliwan nga amahan sa maong barangay Vicente “Inting” Bacalya, kasagaran usa ra ang pulong nga mogawas sa mga baba “Pagkaanugon” bisan ako sulod sa 2 ka tuig nakong pagpuyo sa maong barangay gianogunan kay siya ang klase sa amahan nga atong kasumbungan sa atong mga suliran, amahan nga naglantaw kanunay sa kaugmaran alang sa iyang pinalanggang barangay.

Sa mubo nga panahon sa among panaghigala toguti ko nga akong  kaigsuonan pinaagi niining akong lindog nga makapasalamat nga siya nahimong tipik sa akong kinabuhi isip usa ka higala nga pareho nako’g panlantaw isip usa ka Public Servant, iyang gibiyaan ang iyang propesyon isip usa ka Seaman kay lagi mas bug-at diha sa iyang kasingkasing ang pagpangalagad sa iyang mga tagi barangay, iyang gibukhad ang iyang mga palad sa pagdawat sa mga tahas isip amahan sa barangay.

Daghan kong nakat-unan sa iyang pagkatawo usa ka simple, mapahiubsanon, masinabtanon ug labaw sa tanan dulot sa iyang kasingkasing ug hunahuna ang matuod nga pagpangalagad, kapitan Inting hain ka man karon nasayod ko nga kaming imong mga anak imong gibinlan og pagtulon-an labi na didto sa imong mga kauban sa matuod nga gugma ug limpiyo nga pagpangalagad, bisan dili na kita magkita apan gumikan sa imong mga binuhatan ikaw nagpabilin sa among mga hunahuna ug kasingkasing.