PAA UG TUHOD

Temang nalambigit: Suporta, pagbarog, kalamboan

Kun nahimong kabahin sa imong damgo ang imong tuhod ug mga paa, mahimong ang mga temang nalambigit niini mao ang mga isyu kalabot sa suporta, pagbarog, ingon man ang imong pangindahay sa gipangandoy nimong kalamboan. Sinatia ang imong pamati niini. Pangutan-a ang imong kaugalingon kun ikaw nahimo bang nakatugkad sa reyalidad diha sa imong tinguha nga ikaw molambo. Basin kun nahimo kang unrealistic ra kaayo sa maong tinguha nga ikaw molambo. Aninawa ang mga kalisdanan nga imong nasinati, ingon man ang mga butang o mga panghitabo nga posibleng mobabag sa imong mga gitinguha.